Ўзбекистонда эпицентри Қирғизистонда бўлган зилзила сезилди

Ўзбекистон, Тошкент - Batafsil.uz. Ўзбекистонда 4 баллгача бўлган зилзила сезилди. Қирғизистондаги эпицентрда зилзила кучи 6 баллни ташкил этди. 

ФВВ ҳузуридаги Сейсмопрогностик мониторинг Республика маркази хабарига кўра, зилзила ўчоғи 15 километр чуқурликда жойлашган. У ердаги зилзила кучи 6 баллни, магнитудаси 5,2 ни ташкил этган. 

Сейсмик фаоллик Ўзбекистоннинг бир қатор вилоятларида ҳам сезилди: 

• Андижон вилоятида - 3-4 балл (эпицентрдан 68 километр узоқликда), 

• Наманган вилоятида - 3 балл (96 километр), 

• Фарғона вилоятида - 2-3 балл (131 километр). 

Зилзила эпицентри Тошкентдан 292 километр шимоли-шарқда.