Загрузка
Загрузка
Ўзбекистонда яна бир альфонс ушланган. У гўёки бемор ўғлини даволаш  учун қизнинг 8.5 миллион сўмлик тилла тақинчоқларини олган
Ҳодисалар

Ўзбекистонда яна бир альфонс ушланган. У гўёки бемор ўғлини даволаш учун қизнинг 8.5 миллион сўмлик тилла тақинчоқларини олган

629
Загрузка

Ўзбекистон, Тошкент – Batafsil.uz. Ўзбекистонда яна бир альфонс ушланган. У гўёки бемор ўғлини даволаш учун қизнинг 8.5 миллион сўмлик тилла тақинчоқларини қўлга киритган. Бу ҳақда мухбиримиз хабар бермоқда.    

“Жорий йилнинг март ойида Хоразм вилояти Хонқа туманида яшовчи илгари судланган 27 ёшли фуқаро Урганч туманида истиқомат қиладиган 27 ёшли қиз билан Телеграм орқали танишган. Осон   пул топиш илинжида у   ўзини ажрашган деб кўрсатиб, бемор боласини давлашга пул кераклигини билдирган”, - дея маълум қилмоқда ИИВ.

Қизнинг ишончидан суистеъмол қилиб, фирибгар унинг 8.5 миллион сўмлик 17 граммли тилла тақинчоғини қўлга киритган. Эркак бу тақинчоқни гаровга бериб, ўғлини даволаш учун пул олишини айтган.

Кейинчалик аниқланишича, фуқаро тилла буюмни 4 миллион сўмга сотиб, пулларни ўз эҳтиёжлари учун сарфлаб юборган.

Ушбу ҳолат бўйича Жиноят кодексининг 168 (фирибгарлик) моддаси "а" бандининг учинчи қисми бўйича жиноят иши очилган.

Жиноят иши доирасида терговчилар жиноятчининг шахсини текшириб, унинг оиласи, икки ўғли борлигини ва уларнинг ҳеч бирида жиддий касаллик йўқлигини аниқлашган.

Ҳозирда тергов ҳаракатлари давом этмоқда.

Ушбу модда бўйича БҲМнинг уч юз бараваридан тўрт юз бараваригача жарима ёки икки йилдан уч йилгача ахлоқ тузатиш ишлари ёки   беш йилдан саккиз йилгача озодликдан маҳрум қилиш белгиланган.

Ўзбекистон бўйлаб янгиликлар: Telegram-каналга уланинг 

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...