Ўзбекистон, Тошкент - Batafsil.uz. Абдуқодир Ҳусанов "Манчестер Сити" клуби билан янги 5 йиллик шартнома имзолади ва унинг йиллик маоши тахминан 7,5 миллион еврога етди. Ушбу келишувга асосан, ўзбекистонлик ҳимоячининг 5 йил давомидаги умумий даромади мукофот пулларидан ташқари 37,5 миллион еврони ташкил этиши кутилмоқда.
Хорижий оммавий ахборот воситалари маълум қилишича, футболчининг маоши ойига тахминан 625 минг евро, ҳафтасига эса 144 минг еврони ташкил этади. Кундалик ҳисобда бу қарийб 20,5 минг евро, соатига 856 евро ва дақиқасига 14 евродан ортиқ даромад демакдир.
Шунингдек, Ҳусанов ўтган мавсумда манчестерликлар сафида 37 та учрашувда майдонга тушиб, Англия Кубоги ҳамда Лига Кубоги соҳибига айланган.
Бундан ташқари, у Ўзбекистон миллий терма жамоаси билан бирга мамлакат тарихидаги илк Жаҳон чемпионатида иштирок этган. Ушбу шартнома Ҳусановни Марказий Осиёдаги энг юқори маош олувчи футболчилардан бирига айлантиради.
Олдинроқ "Манчестер Сити" клуби ҳимоячи Абдуқодир Ҳусанов ҳамда ярим ҳимоячи Жереми Доку билан амалдаги келишув муддатини 2031 йилга қадар узайтириш бўйича якуний музокараларни олиб борганди.
Изоҳлар мавжуд емас