Ўзбекистон, Тошкент - Batafsil.uz. Испания терма жамоаси 2026 йилги футбол бўйича жаҳон чемпионати ғолиби бўлди. Финалда испанлар Аргентинани қўшимча вақтда Ферран Торрес урган ягона гол эвазига 1:0 ҳисобида мағлуб этиб, ўз тарихидаги иккинчи жаҳон чемпионлигини қўлга киритди.
Учрашувнинг асосий вақтида ҳисоб очилмади, аммо Испания ўйин давомида устунлик қилди. Ғалаба голи қўшимча вақтнинг 106-дақиқасида Ферран Торрес томонидан киритилди. Аргентина эса илк аниқ зарбасини фақат 117-дақиқада йўллади, аммо ҳисобни тенглаштира олмади.
Чемпионларга олтин медалларни АҚШ президенти Дональд Трамп топширди. Турнирнинг энг яхши футболчиси деб Родри тан олинди, тўпурар совринини 10 та гол билан Килиан Мбаппе қўлга киритди. Энг яхши дарвозабон деб Унаи Симон, энг яхши ёш футболчи деб эса Пау Кубарси эътироф этилди. Испания турнирни атиги битта ўтказиб юборилган гол билан якунлаб, жаҳон чемпионлари орасида янги рекорд ўрнатди.
Аввалроқ Футбол бўйича 2026 йилги Жаҳон чемпионати ғолиблари турнир тарихида биринчи марта махсус чемпионлик узуклари билан тақдирланиши ҳақида хабар
берган эдик.
Изоҳлар мавжуд емас