Ўзбекистон, Тошкент - Batafsil.uz. Футбол бўйича 2026 йилги Жаҳон чемпионати ғолиблари турнир тарихида биринчи марта махсус чемпионлик узуклари билан тақдирланади. Бу ҳақда Халқаро футбол федерацияси (FIFA) расмий баёнот берди. Мундиал рамзи сифатида жами 2026 та ноёб узук тайёрланиши кўзда тутилган.
Белгиланган тартибга кўра, тайёрланадиган узукларнинг 30 таси чемпион жамоа аъзолари ва мураббийлар штабига топширилади, қолган 1996 таси эса бутун дунё бўйлаб футбол мухлислари учун сотувга чиқарилади. Мазкур узукларнинг бир томонида Жаҳон чемпионати кубоги, иккинчи томонида эса ғолиб жамоанинг расмий логотипи акс эттирилади. Ҳар бир заргарлик буюми алоҳида серия рақамига ҳамда ҳақиқийликни тасдиқловчи махсус сертификатга эга бўлади.
Финал учрашуви якунланиши билан ғолиб жамоа сардори ва бош мураббийига вақтинчалик узуклар топширилади. Кейинчалик барча 30 та узук футболчилар учун махсус ўлчамларда тайёрланиб, расмий равишда топширилади.
Эслатиб ўтамиз, ЖЧ-2026нинг ҳал қилувчи финал учрашуви 19 июль куни Тошкент вақти билан соат 22:55 да АҚШнинг Нью-Жерси штатидаги MetLife стадионида бўлиб ўтади. Бош соврин учун Испания ва Аргентина терма жамоалари ўзаро куч сишашади.
Изоҳлар мавжуд емас