Ўзбекистон, Тошкент - Batafsil.uz. Португалия футбол федерацияси 41 ёшли ҳужумчи Криштиану Роналдуга нисбатан интизомий чора кўриб, уни терма жамоа сафидан вақтинчалик четлатди. Бунга футболчининг Миллатлар лигаси доирасидаги Данияга қарши ўйин олдидан терма жамоа йиғинини ўзбошимчалик билан тарк этгани сабаб бўлган.
Эслатиб ўтамиз, аввалроқ Португалия терма жамоаси сардори Криштиану Роналду жамоа бош мураббийи ва федерация раҳбарияти билан юзага келган келишмовчилик ортидан миллий жамоа қароргоҳини тарк этганди.
Ушбу қарор федерациянинг интизом низомига асосан қабул қилинган бўлиб, ҳозирда юзага келган вазият бўйича суриштирув ишлари олиб борилмоқда.
Жазо чорасининг якуний муддати ва миқдори FPF Интизом суди томонидан белгиланади.
Қоидабузарлик учун Роналду бир ойдан олти ойгача муддатга ўйинлардан озод этилиши ҳамда 510 евродан 1 020 еврогача жаримага тортилиши мумкин.
Жазо тасдиқланган тақдирда, у ноябрь ойида Дания ва Уэльсга қарши бўладиган учрашувларни ўтказиб юборади.
Маълум қилинишича, низо Криштиану Роналду ҳамда терма жамоа бош мураббийи Жорже Жезуш ўртасидаги келишмовчилик ортидан келиб чиққан.
Ҳужумчи Норвегияга қарши ўйинда 2:1 захирада қолдирилган ва майдонга туширилмаган, шундан сўнг у йиғинни тарк этган.
Роналду кейинчалик берган баёнотида қилган иши хато бўлганини тан олиб узр сўраган бўлса-да, мураббийни ўзаро келишувларни бузганликда айблаган.
Изоҳлар мавжуд емас