Ўзбекистон, Тошкент - Batafsil.uz. Миллий тикланиш демократик партияси раҳбари Алишер Қодиров Ўзбекистон миллий терма жамоасининг Жаҳон чемпионати гуруҳ босқичида Конго Демократик Республикасига имкониятни бой берганидан сўнг кескин баёнот билан чиқди. Сиёсатчи мағлубиятли ўйиндан кейин футболнинг алоҳида жиҳатларини муҳокама қилиш мазмунсиз эканини таъкидлаб, кўплаб кўрсаткичларга "ноль" баҳо берди.
Эслатиб ўтамиз, Жаҳон чемпионати доирасидаги учрашувда Ўзбекистон миллий терма жамоаси Конго Демократик Республикасига 1:3 ҳисобида мағлуб бўлганди.
"0 — мураббийнинг иши, дарвозабон, жамоавий руҳ, тўпланган очколар, миллиардларга сотиб олинган қиймат ва келажакка бўлган умид...", — дея ёзиб қолдирган Алишер Қодиров.
Шу билан бирга, сиёсатчи бундай мағлубиятларга фақат биргина ўйин призмаси орқали эмас, балки кенгроқ қараш зарурлигини билдирган. Унинг фикрича, ўзбек футболи ҳали шаклланиш босқичида турибди ва уни ўн йиллар давомида ривожланиб келаётган тизимлар билан тенглаштириб бўлмайди.
Алишер Қодиров миллий футбол имкониятларини холисона баҳолашга чақирар экан, жараённи таълим тизимига ўхшатиб шундай деган:
"Агар биз ҳарфларни эндигина таниётган биринчи синф ўқувчисининг мактабига, худди болалари саккизинчи синфда ўқиётган япон мактабига қарагандек қарасак, бу мактабни юз йилда ҳам битира олмаймиз".
Бу баёноти билан сиёсатчи жамоатчиликни миллий терма жамоадан қисқа муддатда жаҳон етакчилари даражасини талаб қилмасликка ва мавжуд салоҳиятга тўғри баҳо беришга чақирган.
Изоҳлар мавжуд емас