Ўзбекистон, Тошкент - Batafsil.uz. Cинхрон сузиш бўйича Жаҳон чемпионатининг икки карра кумуш медали совриндори Анастасия Бахтирёва ҳамда уч карра ёшлар ўртасидаги Жаҳон чемпиони Виолетта Евенко спорт фуқаролигини ўзгартириб, Ўзбекистон терма жамоаси сафига қўшилди. Бу ҳақда 23 ёшли Бахтирёва хорижий телеканалларга берган интервьюсида маълум қилган.
Хабар берилишича, жаҳон сув спорти турлари федерацияси ҳар икки спортчининг мақомини ўзгартириш бўйича сўровни расман маъқуллади. Спортчилар оилавий ва касбий сабабларга кўра Ўзбекистонга кўчиб ўтишган ҳамда фаолиятларини миллий терма жамоа таркибида давом эттиришга қарор қилишган.
Ҳозирда Бахтирёва ва Евенко тажрибали мураббий Юлия Митева раҳбарлигида машғулотларни бошлаган бўлиб, бўлажак Осиё ўйинларида "аёллар дуэти" йўналишида иштирок этишга фаол тайёргарлик кўрмоқда.
Маълумот учун, 23 ёшли Анастасия Бахтирёва 2025 йилги Жаҳон чемпионатининг гуруҳ баҳсларида иккита кумуш медални қўлга киритган, шунингдек БРИКС ўйинларининг икки карра ва Европа чемпионатининг уч карра ғолиби ҳисобланади. 21 ёшли Виолетта Евенко эса ёшлар ўртасидаги Жаҳон чемпионатида уч бор шоҳсупанинг энг юқори поғонасига кўтарилган.
Эслатиб ўтамиз, Америка Қўшма Штатларининг Хантсвилл шаҳрида ўтказилган паравелоспорт бўйича Жаҳон чемпионатида Маржона Пардабоева ва Покиза Аҳмадбекова олтин ва кумуш медалларни қўлга киритишган.
Изоҳлар мавжуд емас