Ўзбекистон, Тошкент - Batafsil.uz. 2026 йилги футбол бўйича Жаҳон чемпионати А гуруҳида биринчи тур учрашувлари якунланди. Гуруҳнинг марказий баҳсларидан бирида Жанубий Корея терма жамоаси Чехия устидан 2:1 ҳисобида ғалаба қозонди.
Уйиннинг биринчи бўлимида ҳисоб очилмаган бўлса, иккинчи тайм бошида чехлар олдинга чиқиб олди. 59-дақиқада ҳимоячи Ладислав Крейчи гол муаллифи бўлиб, Чехияни ҳисобда олдинга олиб чиқди.
Бироқ корейслар тезда ўйинга қайтишди. 67-дақиқада ярим ҳимоячи Ҳван Ин Бом ҳисобни тенглаштирди. Уйин тақдири эса захирадан майдонга тушган Оҳ Ҳён Гю томонидан ҳал қилинди. Ҳужумчи 80-дақиқада ғалаба голини киритиб, жамоасига муҳим уч очко келтирди.
Шу тариқа Жанубий Корея Жаҳон чемпионатидаги иштирокини иродали камбэк билан бошлади ва плей-офф йўлида муҳим қадам ташлади.
Бундан ташқари, мазкур гуруҳнинг яна бир учрашувида мезбон Мексика терма жамоаси Жанубий Африка устидан 2:0 ҳисобида зафар қучган эди.
Ушбу натижадан кейин А гуруҳида Мексика ва Жанубий Кореа терма жамоалари дастлабки турдан кейин уч очкодан жамғариб, гуруҳ пешқадамлари бўлиб турибди.
Маълумот учун, бугундан Жаҳон чемпионати старт олди.
Изоҳлар мавжуд емас