Ўзбекистон, Тошкент - Batafsil.uz. ФИФА 2026 йилги Жаҳон чемпионатининг дастлабки тури якунларига кўра, футболчиларнинг максимал югуриш тезлиги бўйича расмий таҳлилий маълумотларини эълон қилди. Ўзбекистон миллий терма жамоаси ҳимоячиси Абдуқодир Ҳусанов ўзининг космик тезлиги билан дунёнинг энг машҳур ва вингер турдаги юлдузларини ортда қолдириб, сайёранинг энг тезкор уч футболчисидан бири сифатида эътироф этилди.
ФИФАнинг махсус жисмоний кузатув тизими берган маълумотларга кўра, Ҳусанов майдонда соатига 36,5 километр тезликка эриша олган. Бу кўрсаткич бўйича ҳамюртимиз дунёнинг энг қимматбаҳо ҳужумчиларидан бири — норвегиялик Эрлинг Холанд билан бир хил натижа қайд этган ҳолда, кучли учликни банд этган. Рейтингнинг биринчи поғонасидан эса Туркияга қарши баҳсда 36,7 км/соат тезлик кўрсатган австралиялик Жордан Бос жой олган.
Энг эътиборли жиҳати, марказий ҳимоячи бўлишига қарамай, Абдуқодир Ҳусанов жаҳон футболида тезлик борасида тенгсиз деб ҳисобланадиган француз юлдузи Килиан Мбаппе (35,1 км/соат), кореялик машҳур ҳужумчи Сон Хёнг Мин (35,2 км/соат) ва португалиялик Педро Нето (34,8 км/соат) каби "реактив" вингерларни катта фарқ билан ортда қолдиришга муваффақ бўлган.
Ҳусановнинг бундай феноменал жисмоний имконияти нафақат Ўзбекистон, балки дунё спорт ОАВлари, жумладан, нуфузли BBC нашри диққат марказига тушган ва халқаро экспертларнинг юқори эътирофига сабаб бўлган.
Эслатиб ўтамиз, аввалроқ Ўзбекистон ва Колумбия ўртасидаги жаҳон чемпионатидаги дебют учрашувида мундиаллар тарихидаги илк голини киритган Аббос Файзуллаев XXI аср учун ноёб рекорд муаллифига айланганди.
Изоҳлар мавжуд емас