Ўзбекистон, Тошкент - Batafsil.uz. Футбол оламида кутилаётган 2026 йилги Жаҳон чемпионати финали чипталари нархи барча рекордларни янгиламоқда. Ушбу чипталарнинг қимматлиги шу даражага етганки, уларнинг баҳоси Тошкент шаҳридаги иккита 3 хонали хонадон нархи билан бемалол тенглашмоқда.
Финал учрашуви, хусусан Испания ва Аргентина қарама-қаршилиги кутилаётган ўйин учун энг юқори нархлар 260 минг долларгача кўтарилган. ВИП жойлар 180 минг доллардан 257 минг долларгача сотилаётган бўлса, ўртача қулай ўриндиқлар 32 минг доллардан 90 минг долларгача баҳоланмоқда.
Ҳатто стадиондаги кўриниши чекланган, масалан табло ортидаги энг арзон чипталарнинг нархи ҳам 8,1 минг долларни ташкил этмоқда.
Мазкур ҳолат футбол тарихидаги энг қиммат чипталар сотуви сифатида қайд этилмоқда. Ҳозирда ушбу нархлар бўйича расмий ташкилотлардан ҳеч қандай муносабат билдирилмаган.
Билдирилишича, футбол бўйича 2026 йилги жаҳон чемпионати старт олишидан аввал геосиёсий кескинликлар, виза чекловлари, чипталар нархининг ҳаддан ташқари қимматлиги ва экологик муаммолар сабабли кескин танқидлар марказида қолган. Экспертлар ФИФА раҳбариятини сиёсий бетарафлик принципларини бузишда ва футболни оддий мухлислар учун очиқ бўлмаган тижорий шоуга айлантиришда айбламоқда.
Изоҳлар мавжуд емас