Ўзбекистон, Тошкент - Batafsil.uz. Франциялик Анри Каган ва япониялик Кэнсо Соаи молекулаларнинг ойнасимон шаклда акс этиши билан боғлиқ сирни очгани ҳамда гомохираллик феноменини изоҳлаб бергани учун кимё бўйича Нобель мукофоти билан тақдирланди.
Олимлар керакли ойнасимон молекула шаклини ҳосил қиладиган кимёвий реакцияларни лойиҳалаш ва бошқариш усулларини кашф этган.
Нобель қўмитаси вакилларининг таъкидлашича, бу кашфиётлар тиббиёт ва фармацевтика соҳаларида, хусусан, ножўя таъсири камроқ ва самарали дори воситаларини ишлаб чиқишда муҳим аҳамиятга эга.
Маълумот учун, 95 ёшли Анри Каган Франциядаги Париж-Сюд университети, Кэнсо Соаи эса Токио фанлар университети билан ҳамкорлик қилиб келмоқда.
Япониялик олим Нобель қўмитасидан хушхабарни олган пайтда уйи яқинида харид қилаётган бўлган. У бу кунни ҳаётидаги "энг ҳаяжонли кун" деб атаган.
Аввалроқ Бельгиялик физик Френсис Ҳалсен IceCube нейтрино обсерваториясига қўшган ҳал қилувчи ҳиссаси ва астрофизик келиб чиқишга эга юқори энергияли нейтриноларни кашф этгани учун физика бўйича 2026 йилги Нобель мукофотига сазовор бўлган эди.
Изоҳлар мавжуд емас