Ўзбекистон, Тошкент - Batafsil.uz. АҚШ Федерал қидирув бюроси Binance криптовалюта биржасига йирик киберҳужум қилинганини маълум қилди. Билдирилишича, 6,3 миллиард долларлик маблағ ўғирланган. Бунинг ортида Шимолий Корея турганини расман эълон қилинди. Ҳужум жорий йилнинг 29 октябрь куни содир этилган.
Маълум қилинишича, ушбу киберҳужум ортида Шимолий Кореянинг давлат томонидан қўллаб-қувватланадиган ва Lazarus гуруҳига алоқадор ҳисобланган TraderTraitor хакерлик гуруҳи турган.
ФБР мазкур гуруҳ ўғирланган активларни Ethereum га айлантириб, кейинчалик уларни DeFi ва тезкор алмашинув хизматлари орқали янада кўпроқ ювиши кутилаётганини билдирган.
Ҳужумдан сўнг Binance раҳбарияти хавфсизлик текширувларини ўтказиш ва маблағларни музлатиш мақсадида депозит ва ечиб олиш амалиётларини вақтинча тўхтатган.
Биржа ҳакерлар томонидан ўғирланган маблағларнинг қарийб 90 фоизи қопланиб, маблағларни ечиб олиш босқичма-босқич қайта тикланаётганини маълум қилган.
Қолган 10 фоизлик қисми камроқ ликвидли токенлар бўлиб, уларни сотиб олиш кўпроқ вақт талаб этиши мумкин.
Биржа ҳаммуассиси Ричард Тенг компания барча зарарларни ўз жамғармалари ҳисобидан қоплашга тайёрлигини ва фойдаланувчиларнинг активлари хавфсиз эканини таъкидлаган.
Аввалроқ 2025 йил январь ойида Ўзбекистон фойдаланувчилари cоинпай coinpay.uz/binance қўшма платформаси орқали Binance криптобиржа хизматларидан расман фойдаланиш имкониятига эга бўлгандилар.
Изоҳлар мавжуд емас