Ўзбекистон, Тошкент - Batafsil.uz. Эрон олий раҳбари оятуллоҳ Али Хоманаий АҚШ президенти Доналд Трампнинг капитуляция ҳақидаги чақириғини бажаришдан бош тортди.
Хабарда Эрон ташқаридан бўладиган босимга бўйсунмаслиги таъкидланган:
"Америка президенти ўзининг номақбул баёнотида тўғридан-тўғри эронликларни таслим бўлишга чақирди, аммо биз унга жавоб берамиз: аввал таҳдидлардан қўрққанларга таҳдид қил. Таҳдидлар Эрон халқининг фикрлари ва хатти-ҳаракатларига таъсир қилмайди", - дейилади мурожаатда.
Шунингдек, хабарда айтилишича, агар АҚШ можарога Исроил томонида аралашса, Эрон уларга "тузатиб бўлмайдиган зарар" етказади.
Эслатиб ўтамизки, Доналд Трамп Truth Social нашрида чиқиш қилиб, оятуллоҳ Али Хоманаийни "енгил нишон" деб атаган ва таслим бўлишни талаб қилган эди. Шунингдек, у Америка Эрон осмонини назорат қилишини айтди. Бироқ, The Guardian нашрининг ёзишича, агар Теҳрон бир кун ичида келишувчанлик кўрсатса, Вашингтон ядро дастури бўйича музокараларни қайта бошлаш имкониятини истисно қилмаяпти.
Изоҳлар мавжуд емас