Ўзбекистон, Тошкент - Batafsil.uz. Эроннинг ҳукуматга яқин ультраконсерватив Hamshahri газетаси олий раҳбар Али Хоманаийнинг ўлими учун "жавоб бериши керак" деб ҳисобланган шахслар акс этган "қасос рўйхати"ни эълон қилди.
Рўйхатга АҚШ президенти Дональд Трамп, Исроил бош вазири Бинямин Нетаньяху, Франция президенти Эммануэль Макрон, Германия канцлери Фридрих Мерц, Италия бош вазири Жоржа Мелони, АҚШ давлат котиби Марко Рубио ҳамда мудофаа вазири Пит Хегсет киритилган. Иллюстрацияда Трамп ва Нетаньяхунинг пешонасига нишон тасвири туширилган.
Айни пайтда мазкур тасвир Эрон расмийлари томонидан тасдиқлангани ҳақида маълумот йўқ.
Али Хоманаийнинг ўғли ва унинг вориси Мужтабо Хоманаий отасининг дафн маросимидан кейинги илк мурожаатида "қасос муқаррар амалга оширилишини" билдирган ҳамда Эронда нишонга олиниши лозим бўлган шахслар рўйхати тузилганини маълум қилган. Бироқ у аниқ исмларни очиқламаган.
Аввалроқ халқаро нашрлари Исроил разведкаси АҚШни Дональд Трампга нисбатан эҳтимолий суиқасд режаси ҳақида огоҳлантирганини хабар қилган эди.
Эслатиб ўтамиз, Али Хоманаий 28 февраль куни АҚШ ва Исроилнинг қўшма зарбаси оқибатида ҳалок бўлгани ҳақида хабар
берилган, шундан сўнг унинг ўғли Мужтабо Хоманаий Эроннинг олий раҳбари лавозимини эгаллаган.
Изоҳлар мавжуд емас