Ўзбекистон, Тошкент - Batafsil.uz. Дубайдан Исроилга учаётган Flydubai авиакомпаниясининг Boeing 737 самолётида уммонлик иккинчи учувчи ҳаво кемасини ҳалокатга учратиш мақсадида капитанга пичоқ билан ҳужум қилган. Бу ҳақда Исроил Бош вазири Биньямин Нетаньяху баёнот берди.
Аввалроқ Flydubai самолётини бошқарган ва ҳамкасби томонидан пичоқланган учувчи Ҳиндистон фуқароси экани маълум бўлганди.
Хорижий оммавий ахборот воситаларига кўра, уммонлик иккинчи учувчи радикал ғоялар таъсирига тушган ва якка ўзи ҳаракат қилган. Воқеа вақтида ҳиндистонлик капитан Смит Маччарни жароҳатлаган. Шунга қарамай капитан кабина эшигини очишга ва хавф сигналини беришга муваффақ бўлган.
Йўловчилар кабинага кириб, уммонлик иккинчи учувчини зарарсизлантирган, натижада 170 дан ортиқ киши бўлган Flydubai самолёти Саудия Арабистонининг Табук шаҳридаги аэропортга хавфсиз қўндирилган.
Ҳозирда Саудия Арабистони хавфсизлик хизмати томонидан қўлга олинган уммонлик иккинчи учувчи сўроқ қилинмоқда.
Ҳодиса юзасидан Саудия Арабистони, Бирлашган Араб Амирликлари, АҚШ, Исроил ва Уммон ҳукуматлари ҳамкорликда суриштирув ишларини олиб бормоқда.
Исроил ва Ҳиндистон раҳбарияти йўловчилар ҳаётини сақлаб қолган капитан Смит Маччар ҳамда жасорат кўрсатган йўловчиларни юқори баҳолаган.
Изоҳлар мавжуд емас