Ўзбекистон, Тошкент - Batafsil.uz. Қирғизистон Президенти Садир Жапаровнинг тегишли фармони билан генерал-майор Жумгалбек Шабданбеков Миллий хавфсизлик давлат қўмитаси (МХДҚ) раиси лавозимига тайинланди. Янги раҳбар зиммасига миллий хавфсизликни таъминлаш, терроризм ва экстремизмга қарши курашиш, коррупцияни жиловлаш ҳамда мамлакатдаги барқарорликни сақлаш каби муҳим вазифалар юклатилган.
55 ёшли Жумгалбек Шабданбеков миллий хавфсизлик органларида тезкор ходим сифатида иш бошлаган ва разведка соҳасида ихтисослашган маълумотга эга. У 2005 йилдан бошлаб Давлат қўриқлаш хизматида фаолият юритиб, ахборот-таҳлил бошқармасига раҳбарлик қилган. Ушбу бўлинма давлат объектлари ва олий мансабдор шахсларга нисбатан террорчилик хавфларини олдиндан аниқлаш ва бартараф этиш билан шуғулланган.
2020 йил октябрь ойидан буён Шабданбеков МХДҚ раиси ўринбосари ва бир вақтнинг ўзида президент, парламент спикери, Олий суд раиси ҳамда стратегик объектлар хавфсизлиги учун масъул бўлган 9-хизмат раҳбари лавозимларида ишлаб келаётган эди. У 2021 йилдан бошлаб давлат раҳбарининг барча хорижий сафарларида унга ҳамроҳлик қилиб келган ва 2022 йилда генерал-майор ҳарбий унвонига сазовор бўлган.
Эслатиб ўтамиз, мазкур лавозимда ишлаб келган Қамчибек Ташиев 10 февраль куни Садир Жапаров томонидан лавозимидан озод этилганди. Шундан сўнг МХДҚда кенг кўламли ислоҳотлар бошланиши эълон қилинганидан сўнг амалга оширилган.
Изоҳлар мавжуд емас