Ўзбекистон, Тошкент - Batafsil.uz. Исроилда парламент сайловларининг якуний натижалари кутилаётган бир пайтда, Президент Ицхак Герцог иштирокида тайёрланаётгани айтилаётган кутилмаган сиёсий келишув тафсилотлари юзага чиқди. Бенямин Нетаняху ротация асосида яна икки йил бош вазирлик лавозимини эгаллайди ва шундан сўнг сиёсий фаолиятдан бутунлай чекиниши эвазига тўлиқ афв этилиши мумкин.
Президент Герцог томонидан сайлов кампаниясидан олдинроқ илгари сурилган ушбу ташаббус ҳозирги мандатлар манзарасида энг реал вариантлардан бири сифатида кўрилмоқда.
Нетаняху ушбу келишувда биринчи навбатда бош вазирлик қилиш шартини қўймоқда. Бундан кўзланган асосий мақсад — яқин икки йил мобайнида АҚШ Президенти Дональд Трамп билан ҳамкорлик қилиш ҳамда тарихий имкониятларни қўлдан бой бермасликдир.
Шунингдек, мухолифат ва араб партияларига таянадиган сўл ҳукуматнинг ташкил этилиши Ғазо, Ливан, Сурия ва Эрон йўналишларидаги ҳарбий ютуқларни хавф остига қўйиши мумкинлигидан хавотирлар мавжуд.
Агар ўнг блок(Нетаняхунинг "Ликуд" партияси ҳамда миллий-диний ва консерватив кучлар коалицияси позицияси) мустаҳкамланса, Нетаняху сўл лагердаги айрим сиёсатчиларни ўз томонига жалб қилишга ҳаракат қилиши кутилмоқда.
Ҳозирда стол устидаги бошқа муқобил вариантлар қаторида озчилик ҳукуматини тузиш ёки янги сайловларга бориш ҳам мавжуд.
"Ушбу хабарлар бутунлай сохта бўлиб, бундай келишув ҳеч қачон мавжуд бўлмаган ва яратилмайди. Биз ҳукуматни тузиш ваколатини топшириш жараёни бўйича турли тахмин ва спекуляцияларни изоҳламаймиз. Расмий сайлов натижалари давлат раҳбарига келаси чоршанба куни тақдим этилади. Шундан сўнг Президент фракциялар билан маслаҳатлашувлар ўтказиб, қонунда белгиланган ваколатлари доирасида қарор қабул қилади"- деган Президент девони.
Аввалроқ АҚШ ва Исроил 3 ноябрда ўтказиладиган оралиқ сайловлардан сўнг Эронга қарши янги ҳарбий амалиётларни бошлаш бўйича режаларни ишлаб чиққанди.
Изоҳлар мавжуд емас