Ўзбекистон, Тошкент - Batafsil.uz. Франциянинг собиқ президенти Николя Саркози қамоқдан озод этилгандан сўнг Парижнинг XVI округидаги уйига қайтган. У қамоқда ўзининг сайлов кампаниясини ноқонуний молиялаштириш иши бўйича жазо муддатини ўтаётган эди.
ТАСС хабарига кўра, Саркозининг уйи яқинида полиция ҳудудни тўсиб қўйган ва журналистларни киритишга рухсат бермаган. Собиқ президентни олиб келган автомобиль йўл бўйида турган ОАВ ходимлари ёнидан ўтиб, тўғридан-тўғри уйига келган. Саркози машинани тезда тарк этган ва матбуот билан мулоқот қилмаган.
Эслатиб ўтамиз, Франциянинг собиқ президенти Ливия раҳбари Муаммар Қаддофийдан ноқонуний тарзда сайлов кампанияси учун маблағ олганликда айбланиб, беш йилга озодликдан маҳрум этилганди. У шу тариқа Франция тарихида қамоққа кирган илк собиқ президент бўлган эди.
У 21 октябрдан буён Парижнинг XIV округидаги La Santé қамоқхонасида жазо муддатини ўтаётган эди ва у ерда 21 кун бўлди.
Изоҳлар мавжуд емас