Ўзбекистон, Тошкент - Batafsil.uz. Қирғизистон Жогорку Кенеши депутати Эрулан Кокулов парламент мажлисида ҳамкасбларини кескин танқид қилиб, агар молиявий имкониятлар ва мансабдор танишлар бўлмаганида, депутатларнинг мутлақ кўпчилиги бу ерда ўтирмаган бўлишини таъкидлади.
Собиқ журналист ва блогер бўлган депутатнинг сўзларига кўра, кўплаб ҳамкасблари унинг депутатлар ҳуқуқлари ҳамда тизимдаги муаммолар ҳақидаги баёнотларини жиддий қабул қилмай, шахсий манфаатларни ҳимоя қилишда айблаб келган.
Парламент спикери Марлен Маматалиев эса унинг фикрига эътироз билдириб, барча депутатларни умумлаштирмасликка чақирган ва Жогорку Кенешда уни қўллаб-қувватлаганлар ҳам бўлганини эслатиб ўтган.
Бунга жавобан Кокулов, агар бор ҳақиқат айтилса, депутатларнинг тенг ярми пул эвазига, қолган ярми эса нуфузли алоқалари сабабли мандатга эга бўлганини, акс ҳолда 90 нафарлик парламентда энг кўпи билан 10 нафарга яқин вакил ўтириши мумкинлигини билдирган.
Таъкидлаш жоизки, Қирғизистон президенти Садир Жапаров ҳам депутатларнинг жамиятдаги обрўси кескин тушиб кетаётганини уларнинг ўз хатти-ҳаракатлари ва парламент ичидаги можаролари билан изоҳлаган эди.
Аввалроқ Бишкекда собиқ президент Атамбоевнинг ўғли қамалганди.
Изоҳлар мавжуд емас