Ўзбекистон, Тошкент - Batafsil.uz. Шотландия, Уэльс ва Шимолий Ирландиянинг Биринчи вазирлари Жон Суинни, Рин ап Йорверт ҳамда Мишел О’Нил ўз минтақаларининг Буюк Британиядан мустақил бўлиши ва ўз тақдирини мустақил белгилаш ҳуқуқини назарда тутувчи қўшма меморандумни имзоладилар.
Шотландия миллий партияси (SNP) томонидан эълон қилинган ҳужжатда уч ҳудуд раҳбарлари илк бор бир вақтнинг ўзида мустақиллик ғоясини қўллаб-қувватлашларини билдирган.
Ташкилотчиларнинг таъкидлашича, май ойидаги сайловлардан сўнг уччала ҳудудда илк бор мустақиллик тарафдорлари ҳокимиятга келгани сабабли Лондон ("Вестминстер") "Британиядан кейинги келажакка" тайёргарлик кўриши шарт.
Вазирларнинг таъкидлашича, амалдаги сиёсий модел ва Буюк Британиянинг Европа Иттифоқидан чиқиш жараёни минтақалар иқтисодиётига салбий таъсир кўрсатиб, уларнинг ривожланиш имкониятларини чекламоқда.
Шу сабабли учлик Лондонни конституциявий ўзгаришларга тайёргарлик кўришга ҳамда референдумлар ўтказилишига тўсқинлик қилмасликка чақирган. Бундан ташқари, томонлар Европа билан муносабатларни қайта тиклаш, янги иш ўринлари яратиш ва иқтисодий тенгсизликни қисқартириш бўйича ҳамкорлик қилишга келишиб олганлар.
Буюк Британия Бош вазири Энди Бёрнэм референдум масаласи фақат жамоатчилик якдиллиги мавжуд бўлган тақдирда кўриб чиқилишини маълум қилган. Ушбу баёнотга жавобан Шотландия Биринчи вазири Жон Суинни Бёрнэм ҳозирги таркибдаги Бирлашган Қиролликнинг сўнгги бош вазири бўлиши мумкинлигини тахмин қилган.
Изоҳлар мавжуд емас