Ўзбекистон, Тошкент - Batafsil.uz. АҚШ президенти Дональд Трамп маъмурияти Trump TV номли 24 соатлик онлайн ахборот трансляциясини ишга туширди. Эфир YouTube платформаси ва Оқ уйнинг расмий иловасидаги тўғридан-тўғри эфирлар бўлими орқали намойиш этилмоқда.
Ушбу телеканалнинг ишга туширилиши Трамп маъмурияти ва АҚШнинг йирик ОАВлари ўртасидаги зиддият кескинлашганидан бир неча кун ўтиб содир бўлди. 18 сентябрь куни Трамп CNN, MS NOW ва Politico журналистларининг Оқ уйга киришини чеклашини эълон қилган эди. У мазкур нашрларни маъмурият фаолияти ҳақида "ёлғон хабарлар" тарқатишда айблаган.
Янги эфир Трампнинг тахминан икки ой аввал ёзиб олинган нутқи билан бошланган. Маъмуриятнинг коммуникациялар бўйича директори ўринбосари Кейлан Доррнинг айтишича, канал орқали Трамп маъмурияти фаолиятининг "энг ёрқин лаҳзалари" цензурасиз кўрсатилади.
Оқ уй вакиллари айрим анъанавий ОАВлар маъмурият фаолиятини нотўғри ёритгани ёки унинг эришган натижалари ҳақида етарлича хабар бермаганини таъкидлаган.
Янги канал ҳозирча мустақил телеканал ёки анъанавий ахборот хизмати эмас. У асосан Оқ уй ва Трамп маъмуриятининг ўзи тайёрлайдиган ёки танлайдиган материалларни аудиторияга етказиш учун қўшимча рақамли платформа вазифасини бажармоқда.
Атрофда эса Трамп маъмурияти ва ОАВлар ўртасидаги низо суд жараёнлари ва матбуот "пули" атрофидаги баҳслар билан давом этмоқда. CNN, MS NOW ва Politico ўз ҳуқуқларини суд орқали ҳимоя қилишга уринмоқда.
Изоҳлар мавжуд емас