Ўзбекистон, Тошкент - Batafsil.uz. Япония парламенти Либерал-демократик партия (ЛДП) раҳбари Санаэ Такаитини мамлакатнинг янги бош вазири этиб тасдиқлади. Шу билан у Япония тарихида илк бор аёл бош вазир бўлди, деб хабар берди Kyodo News.
Такаити — марҳум бош вазир Синзо Абэнинг шагирди бўлиб, сиёсий қарашларини қўллаб-қувватлайдиган қатъий консерватор сифатида танилган. Унинг хавфсизлик ва ташқи сиёсатдаги позицияси Хитой ҳамда Жанубий Корея билан муносабатларда тортишувларга сабаб бўлиши мумкин.
Британиялик “Темир хоним” Маргарет Тэтчернинг ишқибози бўлган Такаити аёлларга турмушдан кейин қизлик фамилиясини сақлаб қолиш имконини берувчи қонунга ҳамда бир жинсли никоҳларга қарши. У Япониянинг пацифистик Конституциясини қайта кўриб чиқиш тарафдори, деб ёзади BBC News.
Эслатиб ўтамиз, Санаэ Такаити ЛДП етакчилиги учун бўлиб ўтган ички сайловларда ғалаба қозонганидан сўнг бош вазирлик лавозимини - собиқ раҳбар Сигэру Исиба ўрнини эгаллаган эди.
Изоҳлар мавжуд емас