Ўзбекистон, Тошкент - Batafsil.uz. Сеул марказий туман суди Жанубий Корея собиқ президенти Юн Сок Ёльни Шимолий Корея билан кескинликни сунъий равишда кучайтириш мақсадида дронлар операциясини ташкил этганликда айбдор деб топиб, 30 йил муддатга озодликдан маҳрум қилди.
Суд маълумотларига кўра, Юн Сок Ёль 2024 йил октябрь ойида Шимолий Корея ҳудудига дронлар юбориш операциясини тасдиқлаган. Тергов хулосасида бу ҳаракат Пхеньян томонидан жавоб чоралари келтириб чиқариши ва кейинчалик мамлакатда ҳарбий ҳолат жорий этиш учун асос сифатида фойдаланилиши режалаштирилгани қайд этилган.
Мазкур иш бўйича собиқ мудофаа вазири Ким Ён Хён ҳам айбдор деб топилиб, 30 йиллик қамоқ жазосига ҳукм қилинган. Шунингдек, ҳарбий қарши разведка хизмати собиқ раҳбари Ё Ин Хён 15 йилга қамалган.
Дронлар қўмондонлиги собиқ раҳбари Ким Ён Дэ эса шартли равишда озодликдан маҳрум қилиш жазосини олган.
Суд қарорда айбланувчилар ҳарбий операция ниқоби остида Шимолий Корея томонидан провокация чақиришга урингани ва бу орқали мамлакатда фавқулодда бошқарув жорий этиш учун шароит яратишни кўзлаганини таъкидлаган.
Эслатиб ўтамиз, собиқ президент устидан олиб борилаётган суд жараёнида махсус прокурорлар гуруҳи мамлакатнинг собиқ раҳбарини давлат тўнтаришига уриниш ва ҳокимиятни ноқонуний эгаллаб олишга интилишда айблаб, унга нисбатан ўлим жазосини тайинлашни сўраганди.
Изоҳлар мавжуд емас