Ўзбекистон, Тошкент - Batafsil.uz. Россия Ўзбекистонга атом электр станцияси лойиҳасини амалга ошириш учун имтиёзли экспорт кредити беради.
Бу ҳақда Россия президенти Владимир Путин Ўзбекистонда АЭСнинг биринчи энергоблоки қурилишини бошлашга бағишланган маросимда маълум қилди.
Россия етакчисининг сўзларига кўра, Москва нафақат атом станциясини қуриш, балки унинг бутун ҳаёт цикли давомида ишлашини ҳам таъминлаш нияти бор.
"Россия нафақат атом электр станциясини қуради, балки ўзбекистонлик ҳамкорларга имтиёзли экспорт кредити беради, шунингдек, станциянинг бутун ҳаётий цикли давомида қўллаб-қувватлайди," - деди Путин.
Унинг аниқлик киритишича, Россия томони узоқ муддатли ядровий ёқилғи етказиб бериш, ускуналарга хизмат кўрсатиш ва техник хизмат кўрсатиш, шунингдек, ишлатилган ядровий материалларни қайта ишлаш бўйича мажбуриятларни ўз зиммасига олади.
Эслатиб ўтамиз, Жиззах вилоятида интеграциялашган атом электр станцияси қурилишининг базавий қиймати 9,5 миллиард долларни ташкил этади. Шу билан бирга, ушбу маблағнинг 85 фоизидан 90 фоизигача қисмини қарз маблағлари ҳисобидан қоплаш режалаштирилган. Бу ҳақда "Ўзатом" агентлиги раиси Азим Ахмедхаджаев бевосита қурилиш майдонида журналистлар билан суҳбатда маълум қилди.
Изоҳлар мавжуд емас