Ўзбекистон, Тошкент - Batafsil.uz. Олий Мажлис Қонунчилик палатаси депутатлари давлат тузилмалари ходимларининг ҳарбий ва идоравий либосларини ноқонуний кийиб юришнинг олдини олишга қаратилган қонун лойиҳасини иккинчи ўқишда қабул қилди. Ушбу ҳужжат давлат органларига бўлган ишончни мустаҳкамлаш ва фуқаролар ҳуқуқларини ҳимоя қилишга хизмат қилиши таъкидланмоқда.
Маълумотларга кўра, Маъмурий жавобгарлик тўғрисидаги кодексга давлат органларининг тасдиқланган либосларига адаштириб юбориш даражасида ўхшаш ҳамда унга хос белги ва рамзларга эга формаларни кийиб юрганлик ёки жорий этганлик учун тегишли жавобгарлик белгиланмоқда. Лойиҳа масъул қўмита, депутатлар ва тегишли вазирлик мутахассислари томонидан атрофлича такомиллаштирилган.
Хусусан, янги нормалар либослар билан боғлиқ қоидаларни тартибга солиш ва уларни ноқонуний кийганлик учун жавобгарликнинг муқаррарлигини таъминлашга қаратилган.
Қизғин муҳокамалардан сўнг қонун лойиҳаси депутатлар томонидан маъқулланган.
Олдинроқ Олий Мажлис Қонунчилик палатаси депутатлари томонидан лотин ёзувига асосланган ўзбек алифбоси ва имло қоидаларини такомиллаштиришни назарда тутувчи янги қонун лойиҳаси қабул қилинганди.
Изоҳлар мавжуд емас