Ўзбекистон, Тошкент - Batafsil.uz. Тошкент шаҳар ҳокими пойтахтнинг Мирзо Улуғбек ва Бектемир туманларига автомобиль йўлларини таъмирлаш учун 8 миллиард сўмдан ортиқ маблағ ажратиш тўғрисида қарор қабул қилди. Бу ҳақда Batafsil.uz мухбири хабар бермоқда.
Шавкат Умурзоқовнинг қарорига кўра, Мирзо Улуғбек тумани ободонлаштириш бош бошқармасига 4,23 миллиард сўм, Бектемир тумани ободонлаштириш бош бошқармасига 3,8 миллиард сўм маблағ йўналтирилади.
Ушбу маблағлар пойтахт ҳокимлиги ҳузуридаги Тошкент шаҳрини ривожлантириш жамғармасидан ажратилади ва йўл-таъмирлаш ишларини амалга ошириш билан боғлиқ харажатларни қоплаш учун мўлжалланган.
Бунинг учун мутасаддиларга ажратилган маблағларнинг мақсадли ишлатилишини назорат қилиш, харажатлар, иш ҳажми ва сифати бўйича жамоатчилик фикрини ўрганиш юзасидан кўрсатмалар берилди.
Эслатиб ўтамизки, жорий йилнинг март ойида Шавкат Умурзоқов пойтахт йўлларини таъмирлаш учун 12 миллиард сўм ажратиш тўғрисидаги қарорни имзолаган эди.
Изоҳлар мавжуд емас