Ўзбекистон, Тошкент - Batafsil.uz. 2026 йилнинг январь–октябрь ойларида Ўзбекистонда меҳнат фаолияти билан боғлиқ 771 та бахтсиз ҳодиса содир бўлди. Уларда 847 нафар ходим жабрланган, 231 киши вафот этган, етказилган зарар учун эса 16 миллиард 637 миллион сўм ундириб берилган.
Бахтсиз ҳодисаларнинг 38 таси гуруҳий, 542 таси оғир оқибатли, 189 таси эса ўлим билан якунланган.
Жабрланганларнинг 486 нафари оғир, 30 нафари енгил жароҳат ол
Бу кўрсаткичлар йил давомида иш жойларида меҳнат хавфсизлигини таъминлаш масаласи долзарблигича қолаётганини кўрсатади.
Хусусан, насослар, ишлаб чиқариш ускуналари, электр қурилмалари ва қурилиш майдонларидаги хавфсизлик талабларига риоя қилиш бахтсиз ҳодисаларнинг олдини олишда муҳим аҳамиятга эга.
Аввалги давр кўрсаткичлари ҳам бахтсиз ҳодисалар сони ортиб борганини кўрсатади.
Масалан, 2026 йилнинг биринчи ярмида 447 та ҳодиса қайд этилган, уларда 494 нафар киши жабрланган ва 137 киши ҳалок бўлган. Етказилган зарар учун 10 миллиард 376 миллион сўм ундириб берилган.
Олдинроқ 2025 йилда республикада меҳнат фаолияти билан боғлиқ бахтсиз ҳодисалар оқибатида 248 нафар инсон ҳаётдан кўз юмганди.

Изоҳлар мавжуд емас