Ўзбекистон, Тошкент - Batafsil.uz. Ижтимоий тармоқларда Наманган вилояти Косонсой туманидаги мактаблардан бирида ўқитувчининг ёш ўқувчини юзига бир неча бор тарсаки урган видеоси тарқалиб, кўплаб эътирозларга сабаб бўлди. Маълумотларга кўра, тумандаги 3-сонли мактабнинг бошланғич синф ўқитувчиси 1-"Б" синф ўқувчисини китобни ўқиб бера олмагани учун калтаклаган.
Ҳодиса жорий йилнинг 16 сентябрь куни соат 10:30 ларда 3-дарс машғулоти вақтида содир бўлган. Мазкур ҳолат юзасидан Наманган вилояти мактабгача ва мактаб таълими бошқармаси томонидан ишчи гуруҳ тузилиб, хизмат текшируви олиб борилмоқда.
Ҳозирда ҳолатга ҳамда масъул шахсларнинг хатти-ҳаракатларига ҳуқуқий баҳо бериш ишлари давом этмоқда.
Эслатиб ўтамиз, Самарқанд вилояти Ургут туманидаги 2-сонли мактабда маъмурият вакили ўқувчига нисбатан жисмоний куч ишлатгани акс этган видеотасвирлар тарқалиб, ҳолат юзасидан ҳуқуқни муҳофаза қилиш органлари ва таълим бошқармаси томонидан суриштирув ишлари бошланганди.
Изоҳлар мавжуд емас