Ўзбекистон, Тошкент - Batafsil.uz. Тошкент вилоятининг Янгийўл шаҳрида хотини ва 2,5 ёшли қизини ўлдирган эркак умрбод озодликдан маҳрум этилганди. Судда аниқланишича, у аввал хотинини ўлдирган, кейин эса кичик қизига нисбатан жинсий зўравонлик содир этиб, уни ҳам ҳаётдан маҳрум қилган.
Тергов маълумотларига кўра, 2026 йил 7 июнь куни эрталаб соат 06:00 атрофида 27 ёшли Ҳабибулло Қобилов маст ҳолатда хотинини ўлдирган. Шундан сўнг у 2,5 ёшли қизига нисбатан жинсий зўравонлик содир этган ва болани ҳам ўлдирган.
Эркак қизчанинг жасадини спорт сумкасига солиб, Тошкент шаҳридаги отасининг уйи олдига олиб борган ва ҳожатхонага ташлаб кетган.
8 июнь куни Янгийўлдаги хонадонлардан бирида 24 ёшли аёлнинг тан жароҳатлари билан жасади топилган. Ҳолат юзасидан Тошкент вилояти прокуратураси томонидан жиноят иши қўзғатилган. Қобилов қўлга олиниб, қамоққа олинган. Тергов давомида у айбини тан олмаган.
4 ноябрь куни Янгийўл шаҳар жиноят ишлари бўйича суди уни айбдор деб топиб, умрбод озодликдан маҳрум қилиш жазосини тайинлаганди.
Ҳалок бўлган аёл шифокор ёрдамчиси бўлиб ишлаган. Унинг 2,5 ёшли қизи эса отаси томонидан содир этилган жиноят қурбонига айланган.
Изоҳлар мавжуд емас