Ўзбекистон, Тошкент - Batafsil.uz. Ижтимоий тармоқларда бир аёл ўз эрини бошқа аёл билан кўнгилочар масканда ушлаб олиб, кўчада уни шафқатсизларча калтаклагани акс этган видео тарқалди. Ушбу "самосуд" жараёнида аёл билан бирга бўлган бир шахс воқеани кадрга муҳрланган.
Видеодан кўринишича, уч нафар фарзанднинг онаси бўлган аёл эрини бегона аёл билан юрганини билганидан сўнг, жанжал кўтарган. Аёл "ўйнаш" деб гумон қилинган шахсни сочларидан тортиб, ерга ётқизиб урган ва уни ҳақорат қилган.
Жанжал давомида аёл ўз ҳаракатларини "оиласини ҳимоя қилиш" деб важ келтирган ва буни видеога олиб, ижтимоий тармоқларга тарқатган. Қарши томон воқеага ҳеч қандай изоҳ ва реаксия билдирмаган.
Ўзбекистон қонунчилигига кўра, эрининг хиёнати ёки оилавий келишмовчиликлар шахсга нисбатан ўзбошимчалик билан жисмоний куч ишлатиш ёки уни ҳақорат қилишга асос бўлолмайди:
Аёлнинг ҳаракатлари Жиноят кодексининг 277-моддаси (Безорилик) ёки Маъмурий жавобгарлик тўғрисидаги кодекснинг тегишли моддалари билан баҳоланиши мумкин.
Яқинда ҳам ижтимоий тармоқларда бир аёл томонидан бошқа аёлга нисбатан зўравонлик ва ҳақоратлар қилинаётгани акс этган навбатдаги "самосуд" видеоси тарқалганди. Унда ҳам аёл ўз эрининг ўйнашини топиб, уни самосуд қилган эди.
Изоҳлар мавжуд емас