Ўзбекистон, Тошкент - Batafsil.uz. Коррупцияга қарши курашиш агентлигининг тақдимномасига асосан пойтахтнинг қатор туманлари раҳбарлари фаолияти махсус комиссия томонидан ўрганилади.
Тошкент шаҳар ҳокимининг 2026 йил 3 августдаги фармойишига мувофиқ, Бектемир, Миробод, Мирзо Улуғбек, Олмазор, Сергели, Учтепа, Чилонзор, Шайхонтоҳур, Юнусобод ва Яшнобод туманлари ҳокимларига нисбатан хизмат текшируви ўткариладиган бўлган. Мазкур қарор Коррупцияга қарши курашиш агентлигининг шу йил 22 июльдаги 04-18/6802-сонли тақдимномасида келтирилган важларни ўрганиш мақсадида қабул қилинган.
Ҳужжатга кўра, хизмат текширувини ўтказиш бўйича Тошкент шаҳар комиссияси тузилиб, унинг раиси этиб Ш.Турдиқулов тайинланган. Комиссияга тақдимномада кўрсатилган ҳолатларни холис ва сифатли ўрганиб чиқиш, шунингдек, заруратга кўра тегишли ташкилотларнинг мутахассисларини жалб этиш вазифаси юклатилган.
Текширув жараёни ва унинг ижроси шаҳар ҳокимининг комплаенс ва коррупцияга қарши ички назорат бўйича ўринбосари М.Мирхамидов томонидан назорат қилинади.
Олдинроқ Косонда фуқарога таҳдид қилган раҳбарга нисбатан ҳам текширув тайинланганди.
Изоҳлар мавжуд емас