Ўзбекистон, Тошкент - Batafsil.uz. Давлат хавфсизлик хизмати, Иқтисодий жиноятларга қарши курашиш департаменти ҳамда Ички ишлар органлари ходимлари томонидан ўтказилган тезкор тадбирларда фуқароларни хорижга ишга юборишни ваъда қилиб, фирибгарлик билан шуғулланган бир қатор шахслар қўлга олинди. Жумладан, Тошкент шаҳри, Зангиота тумани ҳамда консалтинг фирмаси раҳбари томонидан Словакия, Германия ва Жанубий Кореяга ишга юбориш эвазига ноқонуний равишда катта миқдордаги пул маблағларини олиш ҳолатлари аниқланди.
Хабарда келтирилишича, биринчи ҳолатда 6 нафар фуқарони Словакияга юбориш эвазига 85 миллион сўм олган муқаддам судланган шахс, иккинчи ҳолатда Германияга виза олиб бериш эвазига 4 минг АҚШ доллари олган МЧЖ раҳбари, шунингдек, Жанубий Кореяга ишга юбориш эвазига 5 900 АҚШ доллари олган аёл ашёвий далиллар билан ушланган.
Ҳозирда барча ҳолатлар юзасидан ушбу шахсларга нисбатан Жиноят кодексининг 168-моддаси (фирибгарлик) билан жиноят ишлари қўзғатилиб, тегишли тергов ҳаракатлари олиб борилмоқда.
Аввалроқ Таиланддан Ўзбекистонга олиб кирилган 4,6 килограмм мефедрон синтетик гиёҳвандлик моддаси ва 635 грамм "Альфа-PVP" наркотиги мусодара қилинганди.
Изоҳлар мавжуд емас