Ўзбекистон, Тошкент - Batafsil.uz. АҚШ Президенти Дональд Трамп Пекинда Хитой халқ республикаси Раиси Си Цзиньпин билан музокараларни бошлади. Асосий эътибор иқтисодий алоқалар ва технологиялар соҳасидаги ҳамкорликка қаратилган.
АҚШ Президенти Дональд Трампнинг Хитойга амалга ошираётган мазкур ташрифи 2017 йилдан буён илк бор кузатилмоқда. Пекин марказидаги Халқ йиғинлари уйида бошланган икки кунлик музокаралар аввалида давлат раҳбарлари ҳарбий парадни қабул қилишган. Учрашувлар кун тартибидан савдо муносабатлари, сунъий интеллект, Эрон атрофидаги вазият ва иқтисодий чекловларни юмшатиш масалалари ўрин олган.
Трамп Хитой бозорини АҚШ технология компаниялари учун янада очиқ бўлишини талаб қилмоқда. Пекин эса Вашингтонни Тайванга қурол етказиб беришни тўхтатишга чақирмоқда. Си Цзиньпин икки йирик давлат ўртасидаги рақобат қуролли можарога айланмаслиги кераклигини таъкидлаган.
Шунингдек, музокараларда Meta, Visa, JPMorgan Chase ва Boeing компаниялари раҳбарлари ҳам иштирок этмоқда.
Статистик маълумотларга кўра, АҚШнинг Хитой билан савдо дефицити 2025 йилда 200 миллиард долларни ташкил этган. Икки давлат ўртасидаги ўзаро товар айирбошлаш ҳажми сезиларли даражада пасайган: 2022 йилдаги 690 миллиард доллардан 2025 йилга келиб 414,7 миллиард долларга тушган.
Ташриф дастурига кўра, жума куни Трамп Чжуннаньхай ҳудудига ташриф буюради ва шундан сўнг Вашингтонга йўл олади.
Изоҳлар мавжуд емас