Ўзбекистон, Тошкент - Batafsil.uz. АҚШ Президенти Дональд Трамп узоқ йиллик танаффусдан сўнг Хитойга ташриф буюрди. У Пекинда уч кун бўлиб, Хитой раиси билан учрашув ўтказиши режалаштирилган.
Олдинроқ Хитой Ташқи ишлар вазирлиги АҚШ етакчисининг Хитойга давлат ташрифи муддатини расман тасдиқлаганди. Вазирлик расмий вакилининг сўзларига кўра, ташриф раис Си Цзинпиннинг таклифига биноан 13-15 май кунлари бўлиб ўтади. Ушбу ташриф амалдаги Америка раҳбарининг 2017 йилдан бери Хитойга биринчи ташрифи бўлади.
Трампга бир қатор америкалик сиёсатчилар ва йирик тадбиркорлар ҳамроҳлик қилмоқда. Улар орасида Илон Маск, Тим Кук, Ларри Финк, Стивен Шварцман, Келли Ортберг ҳамда Майкл Мибах бор.
Таҳлилчилар фикрича, музокараларда Яқин Шарқдаги вазият асосий мавзулардан бири бўлиши мумкин. Хусусан, Трамп Хитойдан Эронни қўллаб-қувватлашни чеклашни сўраши, Си Цзиньпин эса Америка Қўшма Штатларидан Тайванга нисбатан қўллаб-қувватлашни камайтиришни таклиф қилиши мумкинлиги айтилмоқда.
Трамп ва Си Цзиньпиннинг сўнгги юзма-юз учрашуви 2025 йил 30 октябрь куни да бўлиб ўтган. Ўшанда савдо келишувлари ва иқтисодий рақобат масалалари муҳокама қилинган.
Шунингдек, Трамп Пекинга ташрифи арафасида Америка Қўшма Штатларига Эрон масаласида Хитой ёрдами керак эмаслигини билдириб, Вашингтон "тинч йўл билан ёки бошқача усулда" мақсадига эришишини таъкидлаган.
Изоҳлар мавжуд емас