Бу ҳақда 4 ноябрь куни Қозоғистон энергетика вазири Ерлан Аккенженов маълум қилган. Унинг сўзларига кўра, ҳозирда томонлар бўлажак келишувнинг асосий шартларини, жумладан, қурилиш муддатларини келишмоқда. Лойиҳанинг якуний параметрлари ҳали ишлаб чиқилмоқда.
Иккинчи атом электр станциясини Алмати вилояти Жамбил туманида, Балхаш кўли соҳилида жойлаштириш режалаштирилган. Қозоғистон Атом энергияси агентлиги аввалроқ Хитой миллий атом корпорацияси ушбу АЭС қурилиши бўйича консорциумга раҳбарлик қилишини маълум қилган эди.
Биринчи — "Балхаш" АЭС эса "Росатом" бошчилигидаги Россия консорциуми иштирокида қурилиши кутилмоқда. Шундай қилиб, Қозоғистон атом энергетикаси соҳасида икки йирик давлат — Россия ва Хитой билан ҳамкорлик қилмоқчи.
Аввалроқ Ўзбекистонда иккинчи ва учинчи атом электр станцияларини қуриш имкониятлари ўрганилаётгани хабар қилинган эди. Президент Шавкат Мирзиёев иккинчи АЭС қурилиши масаласини янги ҳамкорлар ва инвесторлар билан муҳокама қилишни режалаштирган.
Ҳозирда мамлакатнинг биринчи атом энергетикаси лойиҳаси Жиззах вилоятининг Фориш туманида амалга оширилмоқда. 4 июнь куни Ўзбекистон ва Россия президентлари Шавкат Мирзиёев ҳамда Владимир Путин видеоконференция орқали интеграциялашган АЭСнинг биринчи энергоблоки қурилишига старт берган. Ўша куни станциянинг келажакдаги пойдеворига биринчи бетон қуйилган.
Изоҳлар мавжуд емас