Загрузка
Загрузка
Россияда 2027 йилдан даромади белгиланган меъёрдан кам мигрантларнинг меҳнат патентлари бекор қилиниши мумкин
Дунё

Россияда 2027 йилдан даромади белгиланган меъёрдан кам мигрантларнинг меҳнат патентлари бекор қилиниши мумкин

41
Загрузка

Ўзбекистон, Тошкент - Batafsil.uz.   Россияда 2027 йил 1 январдан бошлаб меҳнат мигрантларининг расмий даромади ҳудуд учун белгиланган энг кам миқдордан паст бўлса ёки уларнинг даромади ҳақида маълумот бўлмаса, ишлаш патенти бекор қилиниши мумкин. Ҳисоб-китобда мигрантнинг ўзи ва Россияда унинг қарамоғида бўлган ҳар бир вояга етмаган фарзанди ҳисобга олинади.

18 ноябрдаги таҳлилига кўра, талаб қилинадиган даромад миқдори Россиянинг қайси ҳудудида ишлашга боғлиқ. Масалан, икки нафар фарзандини ёлғиз таъминлаётган мигрант Вологда вилоятида ойига камида 61,3 минг рубль, Самара вилоятида 85,6 минг рубль даромадга эга бўлиши керак. Карелияда эса ҳисоб-китоб бўйича бу сумма 247,3 минг рублга етиши мумкин.

Россия Ички ишлар вазирлиги ҳузуридаги Миграция хизмати маълум қилишича, даромад ҳақида маълумот тақдим этилмаслиги ҳам патентни бекор қилиш учун асос бўлади. 2026 йил октябридан бошлаб Солиқ хизмати хорижий ишчиларнинг даромадлари тўғрисидаги маълумотларни ИИВга узатмоқда. Янги талаблар 2027 йилдан олинадиган даромадларга нисбатан қўлланади.

Қонунга мувофиқ, ҳар бир ҳудуддаги аҳоли жон бошига белгиланган яшаш минимуми маҳаллий коэффициентга кўпайтирилади. Ҳосил бўлган сумма мигрантнинг ўзи ва унинг қарамоғидаги ҳар бир вояга етмаган фарзанди учун ҳисобланади. Бироқ бир киши учун белгиланадиган меъёр ҳудуддаги ўртача ойлик иш ҳақидан юқори бўлиши мумкин эмас.

Вологда вилоятида коэффициент 1, яшаш минимуми 20,4 минг рубль этиб белгиланган. Шу боис икки нафар фарзанди бор мигрантдан ойига 61,3 минг рубль даромад талаб этилади. Самара вилоятида коэффициент 1,5 бўлиб, икки фарзандли ишчи учун бу миқдор 85,6 минг рублни ташкил этади.

Карелияда эса коэффициент 3,9 этиб белгиланган. Ҳисоб-китоб бўйича бир киши учун талаб 87,6 минг рубль бўлади, бироқ қонунга кўра, у ҳудуддаги ўртача иш ҳақидан ошмаслиги керак. 2025 йилда Карелияда ўртача ойлик иш ҳақи 82,4 минг рубль бўлган. Шу асосда икки фарзандини таъминлайдиган мигрант учун ойлик даромад талаби 247,3 минг рублга етиши мумкин.

Агар боланинг таъминоти ота ва она зиммасида бўлса ҳамда ИИВда ҳар иккисининг даромади ҳақида маълумот мавжуд бўлса, уларнинг умумий даромади ҳисобга олинади.

Янги талаблар биринчи марта меҳнат патенти расмийлаштираётган хорижий фуқароларга татбиқ этилмайди. Шунингдек, фақат жисмоний шахслар учун шахсий ёки маиший хизмат кўрсатиш мақсадида ишлаётган мигрантлар ҳам айрим талаблардан мустасно.

Қоидалар 2026 йил 26 июлда қабул қилинган 241-ФЗ-сонли федерал қонун билан белгиланган. Агар мигрантнинг патенти бекор қилинса ва Россияда қолиш учун бошқа қонуний асоси бўлмаса, у вояга етмаган фарзандлари билан бирга 15 кун ичида мамлакатни тарк этиши керак.

Олдинроқ Россияда миграция соҳасидаги ҳуқуқбузарликлар учун жавобгарлик кучайтирилганди.

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...