Ўзбекистон, Тошкент - Batafsil.uz. АҚШ Президенти Дональд Трамп Далласда (Техас штати) бўлиб ўтган Республикачилар партиясининг миллий съездида сўзлаган нутқида Венесуэла билан тузилган энергетика келишуви тафсилотларига тўхталиб ўтди.
АҚШ Венесуэла устидан тўлиқ назорат ўрнатилганидан сўнг Каракас олдига бир қатор қатъий шартларни қўйганди. Унга кўра, эндиликда Венесуэла нефти фақат АҚШга хизмат қилиши, бошқа йирик давлатлар эса минтақадан чиқиб кетиши керак.
Америка етакчисининг таъкидлашича, Вашингтон Каракас билан муносабатларни ижобий томонга ўзгартириб, жуда йирик битим имзолаган.
"Нефть ҳақида гапирадиган бўлсак, биз ҳатто захирамизга яқинда қўшилган Венесуэлани ҳисобга олмасак ҳам дунёда энг йирик нефть ишлаб чиқарувчимиз. Бу мамлакатимиз тарихидаги энг йирик битимдир. 65 миллиард баррель энди бизники ва бу нимани англатишини биласизми? Бу бутун умрга, яъни 500 йилга етадиган захирадир", — деган Трамп.
Сўзининг якунида у АҚШ ва Венесуэла ўртасида ажойиб муносабатлар ўрнатилганини қўшимча қилган.
Изоҳлар мавжуд емас