Ўзбекистон, Тошкент - Batafsil.uz. АҚШ президенти Дональд Трамп Канадада ишлаб чиқарилган айрим товарларга, жумладан вино, хоккей таёқчалари ва цементга 50 фоизлик импорт божини жорий қилди. Оқ уйга кўра, бу қарор Канаданинг Америка маҳсулотларига нисбатан "камситувчи муносабати"га жавоб сифатида қабул қилинган.
Маълум қилинишича, янги тарифлар энергия ресурслари, калийли ўғитлар, балиқ ва стратегик аҳамиятга эга минералларга татбиқ этилмайди. Бироқ улар аввал АҚШ–Мексика–Канада савдо келишуви (USMCA) доирасида божлардан озод этилган қатор маҳсулотларга таъсир қилади. Оқ уй бу чоралар Америка автомобиллари, алкоголь ва сут маҳсулотлари учун тенг рақобат шароитини яратишга қаратилганини таъкидлаган.
АҚШ маъмурияти Канадани адолатсиз савдо амалиётида айблаб, айрим провинциялар Америка спиртли ичимликларини харид қилишни тўхтатгани, АҚШ автомобилларига тарифлар жорий этгани ва Америка пишлоғи учун чекловлар қўйганини қайд этган. Financial Times нашри эса ушбу қарор Шимолий Америкада янги савдо можаросини келтириб чиқариши мумкинлигини таъкидламоқда.
Эслатиб ўтамиз, олдинроқ Макрон тинчлик кенгашига қўшилмаганлиги учун АҚШ француз виносига 200 фоизлик бож жорий қилмоқчилигини маълум
қилганди.
Трамп Канада товарларининг бир қисмига 50 фоизлик бож жорий қилди
17
Ўзбекистон бўйлаб янгиликлар: Telegram-каналга уланинг
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0
Изоҳлар мавжуд емас