Ўзбекистон, Тошкент - Batafsil.uz. Исроил полицияси ракета огоҳлантириши пайтида видео олиб ижтимоий тармоқларда тарқалган ўзбекистонлик фуқарони ҳибсга олди. Бу ҳақда маҳаллий манбалар хабар бермоқда.
Маълум қилинишича, видеода эркак "Мана, ҳеч ким қолмади, каламушлар қочиб кетди. Ҳеч ким йўқ", дея гапирган. Тасвирлар интернетда тарқалганидан кейин исроилликлардан бири уни кўчада таниб қолиб, полицияга хабар берган.
Шундан сўнг ҳуқуқни муҳофаза қилувчи орган ходимлари муҳожир ишлаётган жойга келиб, уни ҳибсга олган ва сўроқ қилиш учун полиция бўлимига олиб кетган.
Ҳибсга олинган шахснинг таъкидлашича, айтилган сўзлар исроилликларга қаратилмаган. Унинг айтишича, ракета огоҳлантириши пайтида танишлари уни ёлғиз қолдириб, бомбапаноҳга қочиб кетган ва у видеода айнан шу ҳолатни назарда тутган.
У шунингдек, видеони фақат ўз телефонида суратга олганини ва унинг кенг тарқалишини кутмаганини билдирган.
Ҳолат юзасидан Batafsil.uz мухбири Ташқи ишлар вазирлигига сўров юборди.
Изоҳлар мавжуд емас