Ўзбекистон, Тошкент - Batafsil.uz. "Тошкент метрополитени" давлат унитар корхонаси акциядорлик жамияти шаклида қайта ташкил этилди. Корхонани аввал бошқарган Раҳмонтбек Усмонов ўз лавозимида қолди ва пойтахт метрополитени фаолиятига раҳбарлик қилишда давом этади.
Қайд этилишича, корхонанинг ҳуқуқий мақомини ўзгартириш орқали бошқарув тизимини янгилаш, фаолият шаффофлигини ошириш ва қабул қилинаётган қарорлар самарадорлигини юксалтириш кўзда тутилган.
Янги бошқарув шакли метрополитенни узоқ муддатли ривожлантириш ва замонавий бошқарув усулларини жорий этиш имконияти сифатида баҳоланмоқда.
"Тошкент метрополитени" олдига йўловчиларга хизмат кўрсатиш сифатини янада ошириш ва ҳаракат хавфсизлигини таъминлаш вазифалари ҳам қўйилган.
Раҳмонтбек Усмонов метрополитенни модернизация қилиш ва ривожлантириш, шунингдек, йўловчилар учун транспорт хизматларини такомиллаштириш ишларини мувофиқлаштиришда давом этади.
Бундан олдин июль ойида транспорт тизимини модернизация қилиш мақсадида Тошкент метрополитени ҳаракат таркиби учун 3 та янги поезд олиб келинганди.
Изоҳлар мавжуд емас